ഏഴോം ഗ്രാമപഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി നിർമ്മിച്ച പൊടിത്തടം ഉരുൾപൊട്ടൽ നഗർ റോഡ് ഏഴോം ഗ്രാമപഞ്ചായത്ത് പ്രസിഡന്റ് പി ഗോവിന്ദൻ ഉദ്ഘാടനം ചെയ്തു.

 വാർഡ് മെമ്പർ ഗ്രീഷ്മ കെ വി അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി കെ വിശ്വനാഥൻ മാസ്റ്റർ  സ്വാഗതം പറഞ്ഞു. തൊഴിലുറപ്പ് പദ്ധതി ആക്രിഡിറ്റഡ് എൻജിനീയർ അജയ് എ കെ റിപ്പോർട്ട് അവതരിപ്പിച്ചു. 4,00,925 രൂപ ചിലവഴിച്ചാണ് 103 മീറ്റർ റോഡ് കോൺക്രീറ്റ് ചെയ്തത്.വികസന സ്റ്റാൻഡിങ് കമ്മിറ്റി ചെയർമാൻ കെ പി അനിൽകുമാർ, വാർഡ് മെമ്പർ കെ വി രാജൻ, സി ഒ പ്രഭാകരൻ, ശ്രീരാമൻ കൊയോൻ എന്നിവർ ആശംസകൾ അർപ്പിച്ചു. പ്രമീള പി നന്ദി പറഞ്ഞു.