ഏഴോം ഗ്രാമപഞ്ചായത്ത് : മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി ഏച്ചിൽ മൊട്ടയിൽ എസ് എച്ച് ജി വർക്ക് ഷെഡ് കല്ല്യാശ്ശേരി ബ്ലോക്ക് പഞ്ചായത്ത് പ്രസിഡണ്ട് പി പി ഷാജിർ ഉദ്ഘാടനം ചെയ്തു.

ചടങ്ങിൽ കല്യാശ്ശേരി ബ്ലോക്ക് പഞ്ചായത്ത് വൈസ് പ്രസിഡണ്ട് ഡി വിമല അധ്യക്ഷത വഹിച്ചു. തൊഴിലുറപ്പ് പദ്ധതി അക്രഡിറ്റഡ് എൻജിനീയർ അജയ് എ കെ റിപ്പോർട്ട് അവതരിപ്പിച്ചു. ഗ്രാമപഞ്ചായത്ത് പ്രസിഡണ്ട് പി ഗോവിന്ദൻ, വൈസ് പ്രസിഡണ്ട് കെഎൻ ഗീത, സ്റ്റാൻഡിങ് കമ്മിറ്റി ചെയർപേഴ്സൺ പി സുലോചന, മെമ്പർമാരായ കെ വി രാജൻ, ഗോവിന്ദൻ എൻ, ഇ ശാന്ത,എംജി എൻ ആർ ഇ ജി എസ് ജെ പി സി കണ്ണൂർ പി സുരേന്ദ്രൻ, ബ്ലോക്ക് പഞ്ചായത്ത് സെക്രട്ടറി സുനിൽകുമാർ, കെ ചന്ദ്രൻ, വേണുഗോപാലൻ എന്നിവർ പ്രസംഗിച്ചു. അസിസ്റ്റൻറ് സെക്രട്ടറി എം ചന്ദ്രശേഖരൻ സ്വാഗതവും, എസ് എച്ച് ജി (ശ്രേയസ് ഗ്രൂപ്പ് ) സെക്രട്ടറി സി എം ഷീബ നന്ദിയും പറഞ്ഞു.4,52,684 രൂപ ചെലവഴിച്ചാണ് ഏച്ചിൽ മൊട്ടയിൽ പലഹാര നിർമാണ യൂണിറ്റിനായി കെട്ടിടം നിർമ്മിച്ചത്.